Районный день здоровья в аг.Елка
Дзень здароўя ў аграгарадку Елка
“Тата, мама, я –спартыўная сям’я” - так называўся раённы Дзень здароўя, які праводзіўся на базе аграгарадка Елка 26 верасня 2015 года.
У спартыўным свяце прынялі ўдзел 6 сем’яў навучэнцаў дзяржаўнай установы адукацыі “Елкаўская сярэдняя школа”. Свята адкрылася падняццем дзяржаўнага сцяга, праграма была насычанай і разнастайнай, а ўдзельнікам прыйшлося праявіць не толькі спрыт, сілу і лоўкасць, але логіку і вынаходлівасць.
У час кароткіх перапынкаў – музычных паўз навучэнка 7 класа Маісеенка Дар’я радавала прысутных песеннымі нумарамі.
Было многа зацікаўленых гледачоў: школьнікі, настаўнікі, жыхары аграгарадка. У кожнага была свая любімая каманда, за якую яны хварэлі. Таму таты, мамы, і, асабліва, дзеці, стараліся і хваляваліся. Конкурсаў было 9, у кожным з іх былі свае пераможцы, але самай спрытнай аказалася сям’я Мікалая і Наталлі Давыдчык, якія прыйшлі на свята з дочкамі Лізаветай і Ксеніяй. Яны і занялі першае месца.
Узнагароды атрымалі і ўсе астатнія ўдзельнікі спартыўнага свята. Дзякуючы СВК “Сынкавічы”, які выдзеліў грашовыя сродкі, кожная сям’я атрымала прыз і торт. Акрамя таго, за перамогу ў тым ці іншым конкурсе кожны з удзельнікаў быў узнагароджаны медалямі.
Спартыўнае свята, падрыхтаванае настаўнікам фізічнай культуры школы Іванам Іванавічам Літвінчыкам сумесна з аддзелам спорту і турызму, пакінула неазбываемыя ўражанні. Яно яшчэ раз даказала, што ў нашым аграгарадку любяць і паважаюць спорт і змагаюцца за задровы лад жыцця.
Намеснік дырэктара па ВВР С.Літвінчык
ДАДАЮ СЕМ’І : ДАВЫДЧЫК – 1 м, БАБРОЎСКІ-4 м, НОВІК-5м, МАКЕЙ-3м, Бяловы-6 м,Лава-2 м
