Дзень беларускай мовы
Міжнародны дзень роднай мовы, які адзначаўся ў свеце 21 лютага , прайшоў у нашай школе пад дэвізам “Гаворым і пішам па-беларуску”.
На перапынках з самай раніцы гучалі песні ў выкананні беларускіх спевакоў і гуртаў на словы Я.Коласа, Я.Купалы, М.Багдановіча, Р.Барадуліна.
Вучні імкнуліся размаўляць на літаратурнай мове не толькі на ўроках, але і ў сталоўцы, у час адпачынку на перапынках.
14 вучняў 5-9 класаў прынялі ўдзел у завочным конкурсе “Буслік-2019”.
А пасля ўрокаў адбылося падарожжа па краіне роднай мовы, дзе каманды “Званочкі” і “Рамонкі” спаборнічалі ў веданні народных прыказак і казак, выразным чытанні вершаў беларускіх класікаў, правільным вымаўленні і напісанні слоў на сваёй мове. У гэты дзень усе вучні школы ў чарговы раз пераканаліся, якая цудоўная і непаўторная наша родная мова!
