Тыдзень пісьменнасці і друку
У час правядзення Тыдня беларускай пісьменнасці і друку навучэнцы і настаўнікі Елкаўскай СШ прынялі актыўны ўдзел у мерапрыемстве, якое праводзілася сумесна з Елкаўскім СДК. Называлася мерапрыемства "Дзень праваслаўнай кулльтуры". Вядучыя Піва Кацярына (10 клас) і Цыганкова Дар'я (9 клас) паведамілі аб зараджэнні пісьменства на Русі і Беларусі. Вучні мелі выдатную магчымасць паслухаць прафесара багаслоўя Віталія Антоніка, які напомніў не толькі пра вядомага першадрукара Фр.Скарыну, але і паведаміў многа іншых цікавых і карысных звестак з гісторыі беларускай пісьменнасці. Настаўніца беларускай мовы С.І.Літвінчык і былая настаўніца рускай мовы Г.С.Гуліс пачыталі свае вершы маральна-этычнай тэматыкі, а ўдзельнікі хору Свята-Міхайлаўскай царквы-крэпасці праспявалі праваслаўныя песні. Свята пакінула цікавыя ўспаміны і ў дзяцей , і ў настаўнікаў школы.
