Навагодні карнавал – ранішнік удаўся!
29 снежня ў нашай школе адбылося навагодняе свята. Незвычайныя казачныя героі, цікавая гульнёва-конкурсная праграма і самыя галоўныя героі свята Дзед Мароз і Снягурачка стварылі святочную атмасферу і прыўзняты настрой ва ўсіх прысутных. Амаль усе вучні пачатковых класаў падрыхтавалі прыгожыя карнавальныя касцюмы. Дзеці не толькі вадзілі карагоды, спявалі навагоднія песні, танцавалі, удзельнічалі ў разнастайных конкурсах, атрымлівалі салодкія пачастункі, але і разам з казачнымі героямі вучыліся ветлівасці і дабрыні.
Усе вучні 1-4 класаў атрымалі падарункі ад Дзеда Мароза і Снягурачкі. Акрамя гэтага кожны клас атрымаў салодкі пачастунак ад Дзядулі Мароза за ўпрыгожванне класнага памяшкання да навагодняга свята.
Радасці хапіла на ўсіх! Ёлка ззяла рознакаляровымі агеньчыкамі, а твары дзяцей свяціліся ўсмешкамі. Можна сказаць, што свята ўдалося!
