Цуды на Каляды
11 снежня ва ўстанове адукацыі прайшла дабрачынная акцыя-кірмаш "Цуды на Каляды", у выніку якой школьнікамі было выручана 666.500 тыс. бел. рублёў.
Для таго, каб выручыць больш грашовых сродкаў, пастараліся вучні і іх бацькі. Кожны клас меў асобны стол - прылавак, за якім вёўся гандаль. У час кірмашу школьнікі і настаўнікі набывалі мяккія ( і не толькі) цацкі, каляндарыкі, садавіну, салодкую выпечку, торты і іншыя вырабы. Вучні 6 класа гатавалі нават смачны і духмяны чай. Класныя кіраўнікі былі разам са сваімі выхаванцамі: дапамагалі таргаваць, самі куплялі розныя рэчы. У цэлым, акцыя "Цуды на Каляды" дала магчымасць у чарговы раз паказаць сваю неабыякавасць да таго, каму патрэбна дапамога, а таксама праявіць свае кулінарныя здольнасці. Пасля правядзення акцыі некаторыя класныя калектывы сабраліся за салодкім сталом, каб разам з класным кіраўніком папіць чаю з кавалачкам торту. Гэта яшчэ раз пацвярджае, што ў нашай школе пануе ўзаемаразуменне і сяброўства.
Па выніках акцыі па колькасці сабраных грашовых сродкаў месцы размеркаваліся так:
І месца- 6 клас (135.700 руб.), ІІ месца-е- 11 клас (121.000 руб.), ІІІ месца -е месца-8 клас (108.500 руб.).
