Цуды на Каляды
8 снежня ва ўстанове адукацыі прайшла дабрачынная акцыя-кірмаш "Цуды на Каляды".
Для таго, каб выручыць больш грашовых сродкаў, пастараліся вучні і іх бацькі. Кожны клас меў асобны стол - прылавак, за якім вёўся гандаль. У час кірмашу школьнікі і настаўнікі набывалі мяккія ( і не толькі) цацкі, садавіну, салодкую выпечку, торты і іншыя вырабы. Класныя кіраўнікі былі разам са сваімі выхаванцамі: дапамагалі таргаваць, самі куплялі розныя рэчы. У цэлым, акцыя "Цуды на Каляды" дала магчымасць у чарговы раз паказаць сваю неабыякавасць да таго, каму патрэбна дапамога, а таксама праявіць свае кулінарныя здольнасці. Гэта яшчэ раз пацвярджае, што ў нашай школе пануе ўзаемаразуменне і сяброўства.
Дапамогу ў арганізацыі і правядзенні акцыі аказала дэпутат Маладзежнага парламента Маісеенка Дар'я.
