Конкурс на лепшае афармленне класа
У школе прайшоў конкурс на лепшае пераднавагодняе афармленне класа. Вынікі конкурсу-агляду падводзіліся ў трох узроставых катэгорыях: сярод навучэнцаў пачатковай школы, сярэдняга звяна навучання і вучняў старэйшых класаў. Камісія ў складзе дырэктара школы Лебедзя Анатолія Вацлававіча, намесніка дырэктара па ВВР Літвінчык Святланы Іванаўны і класнага кіраўніка 9 класа Бічэўскай Іны Мікалаеўны сур'ёзна і аб'ектыўна аднесліся да выбару пераможцаў, таму што вучні кожнага класа і іх класныя кіраўнікі вельмі стараліся. Пасля доўгага абмеркавання члены камісіі прыйшлі да высновы, што сярод вучняў пачатковай школы І-е месца заняў 3 клас, ІІ-е месца 4 класы, ІІІ-е месца падзялілі 2 і 1 класы. Сярод вучняў 5-8 класаў І-е месца аднагалосна было падзелена паміж вучнямі 5 і 8 класа, так як класны пакой 8 класа быў не толькі з густам і кампазіцыйна аформлены, але і адлюстроўваў спецыфіку кабінета нямецкай мовы, а пакой 5 класа быў аформлены з вялікім эстэтызмам і густам. Другое месца занялі вучні 6 класа, так як у афармленні класных пакояў мелі месца элементы навізны і арыгінальнасці. Трэцяе месца было прысуджана вучням 7 класа. Сярод старэйшых класаў месцы размеркаваліся так: І-е месца-11 клас, ІІ-е месца -9 клас, ІІІ-е месца-10 клас. Усе прадметныя кабінеты былі аформлены ў адпаведны тэрмін, кожны кабінет нёс у сабе навізну, эстэтыку і густ. Аднак у наступным годзе пры навагоднім афармленні кабінетаў прапанавана адлюстроўваць спецыфіку прадмета. На навагоднім карнавале, які адбудзецца 29 снежня, Дзядуля Мароз і Снягурачка пачастуюць пераможцаў салодкімі падарункамі і яшчэ раз падзякуюць за работу па афармленні класных кабінетаў.
