У 2016 год - з добрым настроем!
З канца мінулага тыдня ў школе пануюць навагодняя атмасфера і святочны настрой. Гэта выклікана правядзеннем конкурса на лепшае навагодняе афармленне класнага кабінета. Стараюцца і навучэнцы, і класныя кіраўнікі. Таму ў кабінетах з'явіліся елачкі, упрыгожаныя сняжынкамі і цацкамі, іншыя снежаньскія пейзажы. Акрамя таго, па-навагодняму пачалі выглядаць рэакрэацыі школы. На кожным акне - святочныя карункі, гірлянды, ніткі бліскучага дожджыку... . І хоць снегу на двары няма, у школе пасвятлела ад штучных сняжынак. Вынікі агляду-конкурсу кабінетаў будуць падводзіцца пасля 10 снежня. Так што ў вучняў яшчэ ёсць магчымасць выкарыстаць сваю фантазію. Дзякуючы пераднавагодняй атмасферы, у настаўнікаў і вучняў - святочны настрой. Думаем, што ён паўплывае на матывацыю да навучання, каб другую навучальную чвэрць і першае паўгоддзе закончыць толькі з высокімі адзнакамі і перайсці ў 2016 год са значнымі поспехамі.
