Працавалі плённа і з задавальненнем
Сакавік у гэтым навучальным годзе быў для вучняў вельмі пазнавальным і плённым месяцам. На пачатку сакавіка праходзіў "тыдзень пачатковых класаў", дзе кожны дзень быў прысвечаны пэўнай тэматыцы. Закончыўся тыдзень выніковым канцэртам.
Наступны тыдзень пачаўся з мерапрыемства, прысвечанага "Дню Канстытуцыі РБ" да якога вучні рыхтаваліся загадзя, праслухаўшы інфармацыю і папоўніўшы свае веды пра Канстытуцыю РБ, вучням было прапанавана намаляваць малюнкі, прысвечаныя гэтай тэме. У класе арганізавалі выставу малюнкаў, а затым малюнкі перадалі для выставы ў СПК "Сынкавічы". Адміністрацыя СПК "Сынкавічы" сумесна з прафкамам вырашыла узнагародзіць усіх мастакоў, хто прыняў удзел. Было вельмі прыемна.
А 20 сакавіка на базе УА "Гімназія №1 г.п.Зельва" праходзіў Дзень адаронага дзіцяці "IQmacs". Наш 3 клас прадстаўляў Чак Цімафей. Ён атрымаў сертыфікат удзельніка. Хлопчыку вельмі спадабалася мерапрыемства, што зараджаны энергіяй ён на працягу тыдня задаваў вучням пытанні і задачы для развіцця інтэлекта, а тыя ў сваю чаргу шукалі адказы і задавалі свае.
Тыдзень перад канікуламі зноў жа пачаўся з пазнавальнай інфармацыі пра Хатынь, а завяршыўся напамінам пра правілы паводзін на вясновых канікулах і здаровы лад жыцця, аб чым сведчаць малюнкі.
