Гістарычная памяць - дарога ў будучыню!
«Гісторыя навучыла нас берагчы мір і незалежнасць. Мы дакладна ведаем, што будучыня Беларусі-у згуртаванасці народа і нацыянальным адзінстве. Мы ганарымся мужнасцю і гераізмам пераможцаў. Сваёй працай, поспехамі і мэтамі ў мірным жыцці імкнемся быць годнымі прадаўжальнікамі іх слаўнага подзвігу. Разам будуем моцную і незалежную дзяржаву».
Урок ведаў “Гістарычная памяць – дарога ў будучае” прайшоў для вучняў 8 класа.
Мэтавая ўстаноўка ўрока : выхаванне паважлівых адносінаў вучняў да гістарычнага мінулага нашай краіны; фарміраванне ў вучняў аб’ектыўнага ўяўлення аб укладзе беларускага народа ў вялікую Перамогу, аб гераічнай спадчыне як важнейшай складаемай гістарычнай памяці, аб генацыдзе беларускага народа ў гады Вялікай Айчыннай вайны; фарміраванне грамадзянскай пазіцыі вучняў, пачуцця прыналежнасці да свайго народа, краю.
У першай палове ўрока вучні пагаварылі аб помніках прысвечаных Вялікай Айчыннай вайне , трагедыі генацыду.
У другой палове ўрока дзеці паглядзелі відэаролік прысвечаны трагедыі ў вёсцы Хатынь, абмеркавалі важнасць памяці гісторыі.
Вялікая Айчынная вайна – адна з самых трагічных падзей для беларусаў – забрала ў нас мільёны чалавечых жыццяў, але нягледзячы на тое, мы ведаем і помнім: на зямлі няма нічога даражэй, чым мір.
